Gweithgareddau ar gyfer diwrnod allan llawn antur ger Caerdydd

P'un a eich bod chi eisiau antur adfywiol mewn mannau agored eang, gweithgareddau anarferol neu ddiwrnodau allan sy'n bywiocáu. Mae’r diwrnodau allan llawn antur hyn yn ddelfrydol i greu atgofion a chsylltiadau newydd, a byddan nhw’n cadw eich ffrwd Instagram yn brysur a'ch ymennydd yn llawn atgofion.

O Gaerdydd: 40 milltir / 1 awr mewn car

Mae dechrau'r diwrnod yn gwylio'r haul yn gwawrio ar ben y mynydd uchaf yn ne Prydain yn yn hollol hudolus. Saif y mynydd ar uchder o 886 metr, ac mae ei agosrwydd at Gaerdydd ac ystod y llwybrau yn gwneud hwn yn waith apelgar. Mae'r golygfeydd ar y ffordd i'r copa’n ysblennydd, cewch fwynhau golygfeydd godidog o Gronfa Ddŵr Neuadd ac ar ddiwrnod clir iawn, Bryniau Malvern a hyd yn oed Cader Idris ac Eryri. Mae teithio gyda thywysydd priofiadol yn rhoi cyfle i chi brofi llwybrau eraill ymhell o'r torfeydd a dod i adnabod copaon gan gynnwys Fan-y-Big, Craig Cwm Sere a Chefn Cwm Llwch.

O Gaerdydd: 30 milltir / 45 munud mewn car (Abertawe) a 46 milltir / 1 awr 15 munud mewn car (Earlswood)

Efallai nad yw alpacas yn dod i’r meddwl yn syth wrth gynllunio'ch anturiaethau yng Nghymru. Ond gyda phorfeydd gwyrdd a mannau agored, mae Cymru’n lle delfrydol i warchodfeydd anifeiliaid ffynnu. Gall pobl sy’n ymweld â Welsh Valley Alpacas yn Felindre, Abertawe ac Amazing Alpacas ger Earlswood, Sir Fynwy dreulio'r diwrnod yn perffeithio’u sgiliau bugeilio, gan ddysgu popeth am sut i ofalu am alpacas ac wrth gwrs, bwydo'r haid. Efallai y bydd y rhai mwy serchog yn eu plith hyd yn oed awydd cwtsh.

Os ydych chi'n teimlo'n ddelicet ar ôl bywyd nos Caerdydd yna gallai dadflino gyda thro bach yn y môr fod yn berffaith. Dafliad carreg o gyffro’r ddinas, mae digon o gyfleoedd i brofi môr bywiog Cymru, gyda dosbarthiadau grŵp a gwersi syrffio 1:1. Mae tref lan môr gyfagos Porthcawl mewn lleoliad delfrydol ar gyfer syrffio, yn wynebu’r gorllewin ac yn llwybr chwyddiadau Môr Iwerydd arfordir Cymru. Mae baeau a childraethau Traeth Coney, Bae Trecco, Drenewydd yn Notais a Rest Bay hefyd mewn lleoliad perffaith ar gyfer digon o ddiodydd a danteithion ôl-syrffio ar hyd yr esplanade, glan y môr a glan yr harbwr.

O Gaerdydd: 25 milltir / 45 munud mewn car

Mae lafwr, sef gwymon mân sy’n cael ei gasglu ar hyd arfordir Cymru, yn bendant yn fwyd ar gyfer y rhai sydd â chwaeth anturus. Does gan fara lawr ddim byd i’w wneud â bara mewn gwirionedd; mae'n debycach i purée. Mae’n ymddangos ar fwydlenni traddodiadol / o ansawdd da yng Nghymru, ond i’w wir werthfawrogi ac efallai hyd yn oed fwynhau ei flas, beth am roi cynnig ar ei goginio? Am brofiad yn y fan a'r lle, beth am goginio'ch gwledd eich hun ar draeth sy'n croesawu barbeciws yn Nghymru. Mae bae garw Dwnrhefn yn ddiwrnod bach gwych allan o Gaerdydd. 

O Gaerdydd: 60 milltir / 1 awr mewn car (Aberhonddu), 27 milltir, 37 munud mewn car (Blaenafon), 30 milltir / 40 munud mewn car (Brynbuga)

Mae nofio mewn dŵr agored yn wahanol iawn i nofio mewn pwll. Mae ceryntau na allwch eu gweld, dŵr oer a thonnau’n gwneud nofio gwyllt yn llawer mwy heriol. Ymunwch â chlwb lleol neu dysgwch gan arbenigwyr cyn mentro – rydym ni bob amser yn argymell defnyddio tywysydd neu nofio gyda chlwb mewn dŵr agored. Darllenwch ragor o awgrymiadau ar sut i nofio’n ddiogel.

Nid y Sgandinafiaid yw'r unig rai sy’n hoff o nofio bywiocaol yn yr awyr agored. Yng Nghymru, mae digon o byllau naturiol a mannau sy'n boblogaidd gyda nofwyr gwyllt. Mae Llyn y Fan Fach yn Aberhonddu, Keeper’s Pond ym Mlaenafon, Y Bryn yn Afon Wysg a Phont Bredwardine ym Mrynbuga’n llecynnau delfrydol y mae’r nofiwr gwyllt ac awdur ‘Wild Guide to Wales’ Daniel Start yn eu ffafrio. A chofiwch - rydym bob amser yn argymell eich bod chi'n nofio gyda thywysydd, byth ar ben eich hun.

O Gaerdydd: 30 milltir / 40 munud mewn car

Mae tirweddau ffrwythlon Bannau Brycheiniog yn baradwys ar gyfer jyncis adrenalin, yn wledd o antur ac yn llawn dop o afonydd, ceunentydd, sarnau, rhaeadrau a phyllau. Mae digon o gwmnïau sy’n rhoi cyfle i chi gerdded ceunentydd, felly cewch sboncio rhwng clogfeini, sgrialu mewn sgydau, croesi a neidio oddi ar raeadrau anturus drwy’r dydd.

O Gaerdydd: 40 milltir / 55 munud mewn car

Dydy pob antur ddim yn llawn cyffro. Rhai o'r diwrnodau allan gorau yw'r rhai y gallwn ni eu gwneud yn arafach. Mae Humble by Nature yn Sir Fynwy yn baradwys i unrhyw un sy’n gwerthfawrogi pethau syml bywyd: bwyd da, bod yn hunangynhaliol a byw oddi ar y tir. Mae'r fferm (a sefydlwyd gan gyflwynydd BBC Springwatch, Kate Humble) yn cynnig cyrsiau ar gadw geifr, cadw gwenyn, gwneud seidr, halltu cig a hyd yn oed adeiladu'ch popty pizza eich hun, felly pan fydd eich diwrnod allan yn dod i ben, gall eich cymwysterau crefftus fyw am byth.

O Gaerdydd: 28 milltir / 45 munud mewn car

Dim ond ugain munud o Gaerdydd, y cwrs rhwystrau mwdlyd hwn yw'r lle i chi a'ch ffrindiau ddod i fwynhau. Mae’n ddelfrydol ar gyfer datblygu timau ac anturiaethau grŵp, ac yn antur egnïol sy'n siŵr o ddod â'ch Rhyfelwr Ninja i'r wyneb gyda Rhwystr Teiars, Bariau Mwnci, Rhwystrau Cropian Mwdlyd a Waliau Fertigol i'ch cadw'n brysur. Hyd yn oed os nad ydych chi'n hyfforddi ar gyfer ras, bydd yr antur fwdlyd hon yn rhoi eich cyfeillgarwch ar brawf wrth i chi ddatrys problemau, sgrialu, llithro a syrthio. Wedi hynny i gyd, mae Porthcawl gerllaw i ymolchi ac ymdrochi yn y môr.

O Gaerdydd: 40 milltir / 55 munud mewn car

Yn gynyddol boblogaidd wrth i chwaeth a thueddiadau bwyd dyfu, mae'r antur chwilota hon ger Ogwr a Phen-y-bont ar Ogwr yn gwneud y gorau o'r danteithion gwyllt sydd i'w cael yng gwrychoedd, coetiroedd a llecynnau gwyllt Cymru. Yn berffaith ar gyfer diwrnod allan heddychlon a hamddenol gyda ffrindiau, bydd arweinydd y cwrs yn eich dysgu sut i adnabod a blasu planhigion, perlysiau a ffyngau yn gynaliadwy a diogel cyn mwynhau pryd gwirioneddol wyllt.

O Gaerdydd: 70 milltir / 1 awr 40 munud mewn car

Bydd gan unrhyw un a fu erioed yn gwylio neu'n darllen am anturiaethau Tomos y Tanc, The Railway Children neu hyd yn oed Harry Potter feddwl mawr o drenau stêm a rheilffyrdd. Felly bydd yr atgofion sentimental hyn o bicnics, gwerthwyr tocynnau trenau a chyrn trên stêm yn canu yn y pellter wrth eich bodd wrth i chi ddod yn yrrwr trên stêm am y dydd gyda Rheilffordd Gwili. Mae pecynnau blasu a phecynnau diwrnod ar gael a fydd yn eich galluogi i gymryd rheolaeth ar reilffordd locomotif treftadaeth ac arogli'r glo sy'n llosgi wrth i chi ymlwybro i fyny’r lein (mae amser am de a brechdanau, wrth gwrs).

Mae nofio mewn dŵr agored yn wahanol iawn i nofio mewn pwll, felly mae'n syniad da nofio mewn lleoliad swyddogol lle bydd criw diogelwch i roi arweiniad i chi.

Ein prif gynghorion ar gyfer bod yn ddiogel wrth nofio mewn dŵr agored yw:

• Gwisgwch het lachar (gwyrdd llachar neu oren llachar yw'r gorau) a defnyddiwch fflôt tynnu fel y gall defnyddwyr dŵr eraill eich gweld.
• Ewch i mewn i'r dŵr yn araf gan roi amser i'ch corff ddod i arfer â'r oerfel.
• Gwiriwch amseroedd y llanw cyn nofio yn y môr neu mewn aberoedd.
• Os ydych mewn anhawster yn y dŵr peidiwch â chynhyrfu, arhoswch yn ddigynnwrf; denwch sylw trwy godi'ch llaw a gweiddi am help.

Ewch i AdventureSmart.UK i gael yr holl wybodaeth sydd ei hangen arnoch i helpu i wneud eich antur yng Nghymru yn ddiogel ac yn hwyl!